Canti della settimana santa - Lizzano - Storia Cultura Tradizione

GIOVEDI' e VENERDI' SANTO
Canto di passione: Osci e vinirdìa e no si canta

Cristu era piccinnu
e scìa sciucannu cu l'otri piccinni
li pari sua, cu l'otri piccinni li pari sua.

Genti ti la via scia cugghiennu,
pi ogni passo na croci facìa,
na croci facìa, pi ogni passu na croci facìa.

Mo si ni ddona la su'afflitta matri
figghiu di tanta cruci ce n'ata fari,
ce n'ata fari, figghiu di tanta cruci ce n'ata fari.

Iddu si vota cu duci palori,
qua sobbra agghia pigghià morti e passioni,
morti e passioni, qua sobbra agghia pigghià morti e passioni.

E osci e vinirdìa e nno si canta
ca è la passioni ti nostru Signori,
nostru Signori na nostru Signori.

Piangi,piangi Maria povera donna
ca lu tua figghiu è sciutu alla cundanna,
alla condanna, ca lu tua figghiu è sciutu alla cundanna.

Chiangennu si ni partìa la Madonna
pi vetiri ci lu acchia a qualche vanna,
a qualche vanna, pi vetiri ci lu acchia a qualche vanna.

Annanti la ncuntrò Pietru e Giuanni,
ce l'avu vistu lu vostru maestru?!?
vostru maestru, ce l'avu vistu lu vostru maestru.

Nui l'amu vistu e cu iddu amu stati
sobbr'alla croci stèi 'nfracillatu,
mo nfracillatu naa, sobbr'alla croci stèi crucifissu.

Oh mamma, mamma cè à vinuta a ffari,
nu sursu d'acqua ce mi lu puè dari??,
mi lu puè dari, nu sursu d'acqua ce mi lu puè dari.

Tinìa nu figghiu ca mi ndirliggiava,
mi ndirliggiava chiù ti luna e soli,
ti luna e soli, mi ndirliggiava chiù ti luna e soli.

Mi ndirliggiava chiù ti luna e soli,
mo mi lu vesciu 'mmienzu a nu scurori,
a nu scurori, mo mi lu vesciu a 'mmienzu a nu scurori.

Scurìu l'abbissu, scurìu la terra
cuss' scurìu Maria quant'era bedda,
quant'era bedda na quant'era bedda.

Scurìu la terra, scurìu l'abbissu
a Cristu li misira a 'ncrucifissu,
a n'crucifissu na a 'ncrucifissu.

Sobbra a sta croci cu tanta dulori
stè mori lu nostru Signori,
nostru Signori, è muertu lu nostru Signori
 CANTO DI PASQUA (LU RESSU RESSU)
Lu Ressu Ressu rexi
E lu Dominu no`so muertu.
la trenula e la sutrenula
e gloria ncielu e paci nterra
e gloria ncielu e paci nterra
pi tutti sieculi amen.
Alleluja, Alleluja
Allelui, Allelui,
Allelui Bona Pasca a tutti nui.
Evviva la jaddina, evviva la jaddina,
Evviva la jaddina, cu` faci l`ueu crammatina
e cu` lu faci gruessu` e cu` lu faci gruessu`
e cu` lu faci gruessu` ca l`ama da` allu
Ressu Ressu.
Alleluja, Alleluja









Un particolare ringraziamento all'amico Francesco Pastorelli
per le sue continue ricerche atte a recuperare le nostre tradizioni popolari

CANTO DI PASQUA (LU RESSU RESSU)
Lu Ressu Ressu rexi
E lu Dominu no`so muertu.
la trenula e la sutrenula
e gloria ncielu e paci nterra
e gloria ncielu e paci nterra
pi tutti sieculi amen.
Alleluja, Alleluja
Allelui, Allelui,
Allelui Bona Pasca a tutti nui.
Evviva la jaddina, evviva la jaddina,
Evviva la jaddina, cu` faci l`ueu crammatina
e cu` lu faci gruessu` e cu` lu faci gruessu`
e cu` lu faci gruessu` ca l`ama da` allu
Ressu Ressu.
Alleluja, Alleluja